今年聯歡我地班果場大龍鳳真係..好難忘XD
只係用左幾日既時間去傾，綵排既時間都勁少
果日仲特登話早d返班房作最後準備
我40分左右先到以為我好遲，點知我係第1個返到sosad
講「乙戰，正式開始！」果下好興奮，好似做緊特工(X
個個都係5**演員！
要扮黑面但又見到你地一扮既樣其實好想笑ww
mo話我唔笑個樣已經好似黑面，於是我好努力咁忍笑
好記得夾野食果時，爆炸叫tera幫佢夾然後細細聲叫tera罵佢
tera:「我唔想搞大件事」
呢下2個都笑左XD 咁樣係罵緊人咩XDDDD
終於到戲肉，果時其實好緊張
到雞仔跑去廁所果時，我同natalie狗衝去扮追其實跑上C班拎蛋糕然後待機
多謝C班肯收留住2個蛋糕！
到佢地話吳sir唔見左果下有d擔心，心諗我地有冇玩得大左？
原來佢跑晒咁多層樓搵雞仔
中間班房發生左咩事我都唔係好清楚，因為出左去
好似話係ms so好認真咁係到安慰入面d人
聽到各演員d所聞，有d想笑，但真係好感動
返到班房睇片果d個口一直係笑緊，隻眼濕濕地
雖然最尾有d唔完善但總算叫做成功！！
真係多謝咁多位肯一齊搞呢d，一齊癲一齊笑，留左個咁特別既回憶
都要多謝吳sir同ms so咁關心我地同埋冇嬲到
冇左既片唯有字幕代替啦，好期待今晚個首映XD

 

咁多年黎都係認為今日唔洗上堂
今日都係咁認為但2科選修都有test
唉冇溫，唉唔驚！
10點過d就落去影班相，10：15都冇返到上黎，史上影得最快既一次
btw今日凍到笑，影相要換校嬲加唔著冷衫
因為我本身著勁很多件外套廢事麻煩所以係班房著定先
多到成枱都係外套sosad
tera今日又帶左部相機返黎！我地係咁影XD

拿我而家就係要說這些

講真果句，真心覺得今日係中四以來，班活動中最開心果日
一直玩到好埋既唔多，上兩年都係活在小圈子中
中四果年仲衰，我正係覺得同而家對比果年根本係自閉(X
我個鄰座都走埋
中五tera黎左，同佢玩到愈黎愈痴線
加上都叫有份做SU，同其他人又熟左d
然後今年又走左d人
最後一年既6B班只餘28人

同埋對左2年多，睇左2年多，都知各自有各自既圈子
我成日都覺得唔會玩得埋，但真係冇諗過會好似今日咁
成堆人可以咁開心咁癲咁一齊笑一齊影相一齊拍片
最近，由唔知邊日開始，我覺得我地班好似愈來愈close
雖然有時太嘈會話幾句
前果幾日因為lunch件事而諗出黎既屎橋
冇諗過你地真係肯一齊諗一齊搞仲一齊留到平時放學咁耐
我地班真係係d奇怪既方面好團結XD
應該係話其實我地班可以好團結！
順全個勢畢業後依然不時相聚唔是問題！
多謝6B！

等左好耐既cha cha考試終於都到
同水晶pair！
之前練左都幾多次下，我總算都跳到d野出黎XD
d道具都幾多下w又西蘭花，又玫瑰花，又帽，又(ry
唔該晒水晶幫我買西蘭花ToT！
我啊媽一直係到嘈話人地唔會賣一舊比我sosad

lunch食完返黎果時又有d屎橋
我地成班夾埋整古雞仔XD
tera自己放自己個銀包落佢書包
咁岩雞仔果下就返到，佢即刻轉身扮喊
我地知咩事果d，個個係到扮晒野安慰tera
又問邊個唔小心拎左人銀包，叫人睇下自己書包
我地個個係到扮搵，有時又忍唔到微笑左幾下，雞仔好擔心咁問tera做咩喊
有d唔知情既又以為佢真喊，走過黎好認真咁安慰佢
到雞仔見到佢書包有tera個銀包以為係我地夾埋嫁禍佢整到tera真喊
到最後佢終於知道成件事係tera自編自導自演XD
我地班係奇怪既方面好團結XDD

終於到PE堂！個個一齊換裝既感覺其實唔錯XD 好有氣氛w
大家都跳得唔錯XD
到我果組果時其實有d緊張...緊張個西蘭花會卡住拎唔到出黎
點知真係卡左....一陣XDDDDDD
後面已經笑聲四起wwww完左個個走黎問我做咩卡西蘭花XD
完晒cha cha exam又拍nonono跳舞片！miss都跳埋一份！
今日玩得好開心！！



又堆都係果d一見鏡頭就衝埋去既人XD
(我係後面狗衝緊過黎)

 
tera副漫畫眼+神mo之手XD



真係好大舊西蘭花，難怪我會卡住ww



識到你地真係好！



放左又同tera，natalie，雞仔去買聖誕裝飾佈置班房，又相討左d大計
哇雖然係係(當日)7.8買，但都唔平
之後mo同水晶又黎左！！
5:30清場之後一齊去左頌富訂野食
過埋今個星期又放假，希望聯歡果日開開心心啦，離last day日子又近左

4日既一人生活完左了！
屋企人琴晚返到黎，但我老豆又話要過連州玩多幾日所以得佢未返
其實一人生活都唔錯架，係多野做左麻煩左d姐
我發現我呢4日d主餐好多都係M記
媽返到黎問我：你唔熱氣架咩？
我：我食咁多餐你有邊次見過我爆瘡(笑)？
我有時都幾鍾意自己個體質XD
前排定左個好緊迫既溫書時間表但仲未開始
我知而家唔係分心既時間但我仲未好堅定咁專到心
最近又好多其他事要搞,又比多左個借口自己
啊我仲未做完份paper3！
聽日又要考cha cha！！
黎緊個星期又好多test！！！
又要去訂聯歡會d野食！！！！
自己又要成日心郁郁走去睇漫！！！！！
何年何日才能(ry

又話日日keep住打但我懶左orz

9號本來唔洗返但數學有test所以都係要返到中午
應該唔會有咩好成績架啦今次O<-<
放左同natalie,mo,水晶,tera去左食M記
原本話出SSP買d野所以冇去到睇場
但諗諗下果日未必有時間整到所以又冇去到,第2日先
之後去左行$8.8同$12蚊店!
見到棵細細地既聖誕樹諗起係噗見到張掛左好多掛件既毒樹
自己又想整返個所以買左返黎掛XDD

前面係音也!!!
(岩岩睇返張相先記得我仲未食支糖XD)



後面係各種...XD


...頂我打完一日唔記得仲想打咩XD
算啦我聽日開始會keep返住打=[