說好的溫書呢....
Minecraft個地圖原本得間極度反地心吸力既屋同條村
依家日日一人起小小野變到成個小鎮咁
又刑場又快餐店又炮台
又好多伏,我都唔知中左幾多次,雖然係我自己特登行埋去(妖
有人又返左大陸,變左遠距離skype長途電話同遠距離連線XD
呢個我真係笑左出聲wwwww突然一大球蜘蛛網
anson係入面行成世都出唔返黎wwwwwww

有幾晚自己一丁友食,我終於都稍微遠離餐餐M記既生活,去左買隔離大快活
然後前日返去對份數學,總分pass!

今晚去食韓燒!!! <今晚再打另一篇
好早就約左今日所以我放棄個live啦,去既睇得開心d!!!!!

呢個係之前中左bug個地圖,依家玩唔到放下cap圖留個紀念

已拆既tera舊居XD

流口水sosad



水晶屋企d地好似中左幅射咁



唔洗關愛我wwwwwww

呢個係thomas黎XDDDDDD (你確定?
最後...

頂一諗起張改圖....wwwwwwwwwwwwwwwwwwwwwwwwww

前晚唔知係食錯野定凍親定乜半夜4點幾起身係咁嘔
野又食唔到，為保體力呢2日除左瞓都係瞓
打止嘔針個位依然有d痺
依家好返d先有精神開電腦

前日MANSTY 1st Christmas party暨Natalie birthday party！
玩得好開心！
每人都各交換1份禮物，最後計計埋埋有成30幾份禮XD
成晚玩埋d傻仔野，水晶整完個頭真係勁似比啊媽打果個細路
又要係到跳舞，嘈到比人話
btw多謝你地！！

等我好返真係要汁汁間房,好多野想放但又勁亂sosad




有個壽星話送支爽身粉黎改善我隻水母手sosad

mo整既2014年歷！！！！！

今年聯歡我地班果場大龍鳳真係..好難忘XD
只係用左幾日既時間去傾，綵排既時間都勁少
果日仲特登話早d返班房作最後準備
我40分左右先到以為我好遲，點知我係第1個返到sosad
講「乙戰，正式開始！」果下好興奮，好似做緊特工(X
個個都係5**演員！
要扮黑面但又見到你地一扮既樣其實好想笑ww
mo話我唔笑個樣已經好似黑面，於是我好努力咁忍笑
好記得夾野食果時，爆炸叫tera幫佢夾然後細細聲叫tera罵佢
tera:「我唔想搞大件事」
呢下2個都笑左XD 咁樣係罵緊人咩XDDDD
終於到戲肉，果時其實好緊張
到雞仔跑去廁所果時，我同natalie狗衝去扮追其實跑上C班拎蛋糕然後待機
多謝C班肯收留住2個蛋糕！
到佢地話吳sir唔見左果下有d擔心，心諗我地有冇玩得大左？
原來佢跑晒咁多層樓搵雞仔
中間班房發生左咩事我都唔係好清楚，因為出左去
好似話係ms so好認真咁係到安慰入面d人
聽到各演員d所聞，有d想笑，但真係好感動
返到班房睇片果d個口一直係笑緊，隻眼濕濕地
雖然最尾有d唔完善但總算叫做成功！！
真係多謝咁多位肯一齊搞呢d，一齊癲一齊笑，留左個咁特別既回憶
都要多謝吳sir同ms so咁關心我地同埋冇嬲到
冇左既片唯有字幕代替啦，好期待今晚個首映XD

 

咁多年黎都係認為今日唔洗上堂
今日都係咁認為但2科選修都有test
唉冇溫，唉唔驚！
10點過d就落去影班相，10：15都冇返到上黎，史上影得最快既一次
btw今日凍到笑，影相要換校嬲加唔著冷衫
因為我本身著勁很多件外套廢事麻煩所以係班房著定先
多到成枱都係外套sosad
tera今日又帶左部相機返黎！我地係咁影XD

拿我而家就係要說這些

講真果句，真心覺得今日係中四以來，班活動中最開心果日
一直玩到好埋既唔多，上兩年都係活在小圈子中
中四果年仲衰，我正係覺得同而家對比果年根本係自閉(X
我個鄰座都走埋
中五tera黎左，同佢玩到愈黎愈痴線
加上都叫有份做SU，同其他人又熟左d
然後今年又走左d人
最後一年既6B班只餘28人

同埋對左2年多，睇左2年多，都知各自有各自既圈子
我成日都覺得唔會玩得埋，但真係冇諗過會好似今日咁
成堆人可以咁開心咁癲咁一齊笑一齊影相一齊拍片
最近，由唔知邊日開始，我覺得我地班好似愈來愈close
雖然有時太嘈會話幾句
前果幾日因為lunch件事而諗出黎既屎橋
冇諗過你地真係肯一齊諗一齊搞仲一齊留到平時放學咁耐
我地班真係係d奇怪既方面好團結XD
應該係話其實我地班可以好團結！
順全個勢畢業後依然不時相聚唔是問題！
多謝6B！

等左好耐既cha cha考試終於都到
同水晶pair！
之前練左都幾多次下，我總算都跳到d野出黎XD
d道具都幾多下w又西蘭花，又玫瑰花，又帽，又(ry
唔該晒水晶幫我買西蘭花ToT！
我啊媽一直係到嘈話人地唔會賣一舊比我sosad

lunch食完返黎果時又有d屎橋
我地成班夾埋整古雞仔XD
tera自己放自己個銀包落佢書包
咁岩雞仔果下就返到，佢即刻轉身扮喊
我地知咩事果d，個個係到扮晒野安慰tera
又問邊個唔小心拎左人銀包，叫人睇下自己書包
我地個個係到扮搵，有時又忍唔到微笑左幾下，雞仔好擔心咁問tera做咩喊
有d唔知情既又以為佢真喊，走過黎好認真咁安慰佢
到雞仔見到佢書包有tera個銀包以為係我地夾埋嫁禍佢整到tera真喊
到最後佢終於知道成件事係tera自編自導自演XD
我地班係奇怪既方面好團結XDD

終於到PE堂！個個一齊換裝既感覺其實唔錯XD 好有氣氛w
大家都跳得唔錯XD
到我果組果時其實有d緊張...緊張個西蘭花會卡住拎唔到出黎
點知真係卡左....一陣XDDDDDD
後面已經笑聲四起wwww完左個個走黎問我做咩卡西蘭花XD
完晒cha cha exam又拍nonono跳舞片！miss都跳埋一份！
今日玩得好開心！！



又堆都係果d一見鏡頭就衝埋去既人XD
(我係後面狗衝緊過黎)

 
tera副漫畫眼+神mo之手XD



真係好大舊西蘭花，難怪我會卡住ww



識到你地真係好！



放左又同tera，natalie，雞仔去買聖誕裝飾佈置班房，又相討左d大計
哇雖然係係(當日)7.8買，但都唔平
之後mo同水晶又黎左！！
5:30清場之後一齊去左頌富訂野食
過埋今個星期又放假，希望聯歡果日開開心心啦，離last day日子又近左